٢٤ قيراط

كل واحد مننا ليه تعريفه للأربعة وعشرين قيراط في الحياة..

في اللي حسبهم غني وشهره ومال.. وفي اللي شايفهم صحة وحب وراحة البال..

في اللي معتبرهم رزق العيال.. وفي اللي شايفهم كمية الهموم اللي فوق كتفه شال..

في اللي حسبهم كام في البنك.. وفي اللي شايفهم عدد صحابه اللي مش فشنك..

في اللي اعتبرهم بيت وزوجة.. وفي اللي شايفهم عضلات وشكل بكل سماجة..

كل واحد مننا عنده ال ٢٤ قيراط بتوعه كاملين.. دورك تفتح عينك وتدور فين هما..

القسمة اختلفت وبقيت القيمة دائماً واحدة… ٢٤ قيراط!